Komando-lerroko aukerak

• --background KOLOREA

  Abioan terminalaren atzeko planoaren kolorea zehazteko erabiltzen da. KOLOREA zure leiho-sistemak onartutako edozein forma izan daiteke.

• --tclass KLASEIZENA

  Abioan terminala konfiguratzeko erabiliko den terminal-klasea zehazten du.

• --command KMD, -e KMD

  KMD komandoa exekutatzen du abioan.

• --execute KMD ARG, -x KMD ARG

  KMD komandoa exekutatzen du abioan ARG argumentuekin. Hortik aurrera, terminalak ez du argumenturik prozesatuko. Jokabide honek xterm -e aginduaren jokabidea imitatzen du.

• --font LETRATIPOA

  Terminalaren letra-tipoa LETRATIPOAn ezartzen du

• --foreground KOLOREA

  Terminalaren aurreko planoan KOLOREA ezartzen du .

• --geometry GEOMETRIA

  Terminal honen abioko geometria zehazten du. Geometriak terminal-karaktereen zabalera eta altuera zehazten ditu. Adibidez, --geometry=80x40 zehatuz gero, laurogei zutabe bider berrogei lerroko terminala sortuko du. Terminal-leihoak pantailan izango duen kokalekua ere zehaztu dezakezu, adibidez, --geometry=80x40+100+200 ezarrita sortuko den leihoak, pantailaren goi-ezkerreko izkinatik 100 pixel eskuinerago eta 200 pixel beherago izango du goi-ezkerreko izkina, eta --geometry=80x40+100-200 zehaztuta sortuko denak, berriz, pantailaren behe-ezkerreko izkinatik 100 pixel eskuinerago eta 200 pixel gorago izango du behe-ezkerreko izkina.

• --login

  GNOME Terminalaak saio-hasierako moduan abiaraziko du shell-a (saio-hasierako script guztiak exekutatuko ditu modu horretan).

• --nologin

  GNOME Terminalaak shell bat soilik abiaraziko du, saio-hasierako script-ik exekutatu gabe. Hori da lehenetsia, baldin eta ez baduzu Erabili --login lehenespenez hautatu hobespenen elkarrizketa-koadroan.

• --noutmp

  Terminal hau eta asoziatutako shell-a ez dira erregistratuko ordenagailuan saioa hasita duten erabiltzaileen sistemako datu-basean.

• --utmp

  Terminal hau ordenagailuan saioa hasita duten erabiltzaileen sistemako datu-basean (utmp datu-basean) erregistratzea nahi du erabiltzaileak. Hau da aukera lehenetsia.

• --lastlog

  Beti lastlog sarrera bat sortzen du terminalaren saio-hasiera bakoitzeko.

• --nolastlog

  Ez du sortzen lastlog sarrerarik terminalaren saio-hasiera bakoitzeko.

• --title TITULUA, -t TITULUA

  GNOME Terminalaak TITULUA erabiliko du leihoaren epigrafe edo titulu gisa.

• --termname TERMIZENA

  GNOME Terminalaak TERMIZENA erabiliko du TERMen ingurune-aldagaiaren balio gisa.

• --start-factory-server

  Terminal honetan TerminalFactory zerbitzua abiarazten saiatzen da (ikus behean).

• --use-factory

  Terminal-prozesu bat jadanik abiatuta badago --start-factory-server aukerarekin, gnome-terminal --use-factory komandoa exekutatzean terminal-leiho berri bat sortuko da lehendik dagoen terminal-prozesuaren jabetzakoa. Bestela esanda, lehendik dagoen terminalean Fitxategia->Terminal berria aukeratzearen ondorio bera izango du.

  TerminalFactory exekutatzen ari ez bada, aukera honek ez du eraginik.

Aukera bat baino gehiago ezar dezakezu batera: adibidez, Lynx testuan oinarritutako web arakatzailea instalatuta duen makina batean, gnome-terminal --title Web --command lynx komandoak GNOME Terminala bat irekiko du, Lynx abiarazten duena eta titulu-barran "Web" jartzen duena.